Денис Тен мемориалы: Алматыда мәнерлеп сырғанаудан халықаралық турнир өтеді

t.me/olympickz

Турнирге 25 елден 150-ге жуық мәнерлеп сырғанаушы қатысады

7-10 қазан аралығында Алматыда мәнерлеп сырғанаудан халықаралық турнир - Денис Тен мемориалы өтеді, деп хабарлайды Almaty.tv Ұлттық олимпиада комитетіне сілтеме жасап.

Аталған турнирге 25 елден 150-ге жуық мәнерлеп сырғанаушы қатысады.

Жарыс аясында жасөспірімдер, ерлер мен әйелдер арасындағы жекелей сырғанауда, сондай-ақ, мұздағы биде жүлделер сарапқа салынады.

Байрақты бәсеке Halyk Arena мұз айдынында өтеді.

Айта кетейік, бұл турнир Қазақстанның мәнерлеп сырғанау тарихында өшпес із қалдырған 2014-Олимпиада ойындарының жүлдегері Денис Теннің құрметіне ұйымдастырылады.

Оқи отырыңыз: Қазақстан статистикасы ЭЫДҰ стандарттарына сай деп бағаланды