Дзюдо: Қазақстан командасы Аустрия Гран-приін аяқтады

Аустрияның Линц қаласында дзюдодан Гран-при турнирі мәресіне жетті, деп хабарлайды ҚР Туризм және спорт министрлігі Спортты дамыту дирекциясының баспасөз қызметі, деп хабарлайды Almaty.tv

Қазақстан құрамасы жарысты 1 алтын, 1 қола медальмен аяқтап, жалпыкомандалық есепте 7-орын алды. Линцтегі бәсекеде 21 елдің спортшысы жүлдеге ие болды.

Жарыстың алғашқы күні -60 кг салмақта Шерзод Давлатов қола жүлдегер атанды. Ал екінші күні -81 кг салмақта Әділет Алмат қарсыластарына дес бермей, чемпион атанды. Бұл – оның Гран-при санатындағы алғашқы алтыны.

Бүгін Ақерке Рамазанова (+78 кг) қола медаль үшін Эстония спортшысына жол берді. Ал -100 кг салмақта Марат Байкамуров жұбаныш кезеңінде Токио Олимпиадасының қола жүлдегері, екі дүркін әлем чемпионы Жорже Фонсекаға есе жіберді.

Аустриядағы жарысқа 59 елден 479 дзюдошы қатысты. Қазақстан құрамасы сапында 20 спортшы болды.