Қазақстан футбол федерациясының бас хатшысы болып Давид Лория тағайындалды

Қазақстан футбол федерациясының құрылымында кадрлық өзгерістер болды. Атқарушы комитеттің шешімімен Давид Лория бас хатшы қызметіне тағайындалды, деп хабарлайды Аlmaty.tv федерацияның баспасөз қызметіне сілтеме жасап. 

«Давид Григорьевич – Қазақстан ұлттық құрамасының бұрынғы ойыншысы, УЕФА-ның MIP бағдарламасының түлегі. Қазіргі таңда ол Астана қалалық мәслихатының депутаты, сондай-ақ елдің әлеуметтік өмірін дамытуға қосқан үлесі үшін «Құрмет» орденінің иегері», - делінген хабарламада.

Айта кетсек, бұған дейін бұл қызметті Саян Хамитжанов атқарған болатын.   

Оқи отырыңыз: Бразилияның аңыз футболшысы Кафу Алматыға тәнті болды