Қазақстан теннисшілерінің Аустралия ашық чемпионатындағы қарсыластары анықталды

Қазақстан құрамасының теннисшілері Australian Open-2025 турниріндегі алғашқы қарсыластарын анықтады, деп хабарлайды Almaty.tv Қазақстан теннис федерацияның баспасөз қызметіне сілтеме жасап.

Қазақстанның бірінші, әлемнің 6-ракеткасы Елена Рыбакина алғашқы айналымда осы "Үлкен дулыға" турниріне арнайы шақырту алған 16 жастағы аустралиялық, рейтингіде 371-орында тұрған Эмерсон Джонспен сынға түседі. Бұл олардың өзара бірінші кездесуі болмақ. 

Әлемнің 25-ракеткасы Юлия Путинцеваға рейтингіде 44-сатыдағы армениялық Элина Аванесян қарсылас атанды. 

"Қазақстанның ерлер арасында бірінші, әлемнің 33-ракеткасы Александр Бублик рейтингіде өзінен екі саты жоғары тұрған аргентиналық Франсиско Серундоломен ойнайды. Бұл екеуінің бұрын бір-бірімен жолдары тоқайласпаған", - делінген федерация хабарламасында.

Рейтингте 72-орындағы Александр Шевченко әлемнің 3-ракеткасы, испаниялық Карлос Алькарасқа тап болды.

Оқи отырыңыз: Қазақстандық спортшылар фристайл-могулдан әлем чемпионатында күміс жүлде иеленді