Қазақстандық гимнаст Challenge Cup кезеңінің жеңімпазы атанды

Спорттық гимнастикадан Словенияның Копер қаласында өтіп жатқан Challenge Cup кезеңінде Қазақстан құрамасының өкілі Диас Тойшыбек алтын медаль жеңіп алды, деп хабарлайды Аlmaty.tv тілшісі Оlympic.kz-ке сілтеме жасап.

Ол ат снарядындағы жаттығуда үздік нәтиже көрсетті.

«Тойшыбек ақтық сында төрешілердің шешімімен 14,033 ұпай жинады», - делінген хабарламада.

Сонымен қатар Зейнолла Ыдырысов 13,866 ұпаймен екінші орынды иеленді. Ал үшінші орын албаниялық Матвей Петровқа бұйырды — 13,200 ұпай.

Оқи отырыңыз: Қазақстан көркем гимнастикадан Азия чемпионатында алтын медаль алды