Меншікті өндіріс
Біз әлеуметтік желілердеміз
Қазақстандық теннисші АҚШ-тағы турнирдің финалына шықты
Турнир жеңімпаздарына 11 480 АҚШ доллары көлемінде сыйақы беріледі
Қазақстанның теннисшісі Анна Данилина сербиялық Александра Круничпен жұптасып, АҚШ-тың Кливленд қаласында өтіп жатқан турнирдің финалына шықты, деп хабарлайды Аlmaty.tv тілшісі 1bol.kz-ке сілтеме жасап.
Жартылай финалда Данилина мен Крунич чехиялық Анастасия Децюк / Мириам Шкох дуэтімен кездесіп, екі сетте айқын жеңіске жетті — 6:2, 6:4. Ойын 1 сағат 19 минутқа созылды.
Осылайша, Анна Данилина мен Александра Крунич финалда тайваньдық Чжань Хаоцин / қытайлық Синью Янь жұбымен сынға түседі. Турнир жеңімпаздарына 11 480 АҚШ доллары көлемінде жүлде қоры және WTA рейтингінде 250 ұпай беріледі.
Айта кетейік, Анна Данилина — Қазақстанның әйелдер арасындағы жұптық разрядтағы бірінші ракеткасы. Қазіргі таңда ол WTA рейтингінде әлемнің үздік ондығына еніп, 10-орынға жайғасқан.
Оқи отырыңыз: Тауға шығып, аяғын сындырған шетелдік турист құтқарылды