Әлем чемпионаты: Қазақстан семсерлесуден тарихи қола медаль жеңіп алды

Қазақстан құрамасы семсерлесуден Тбилиси (Грузия) қаласында өтіп жатқан әлем чемпионатында қола медаль жеңіп алды, деп хабарлайды Аlmaty.tv тілшісі Olympic.kz-ке сілтеме жасап.  

Семсер қаруымен айқасудан командалық жарыста ел намысын Руслан Курбанов, Вадим Шарлаимов, Эльмир Әлімжанов және Кирилл Проходов қорғады.

«Үшінші орын үшін өткен кездесуде қазақстандық спортшылар әйгілі Франция құрамасымен сайысқа түсті. Біздің семсерлесушілер кездесудің басынан-ақ басымдық танытып, артықшылықты соңына дейін сақтап қалды. Нәтижесінде 45:31 есебімен жеңіске жетті», - делінген хабарламада.

Осылайша, Қазақстан тарихта алғаш рет әлем чемпионатының командалық жарысында медаль жеңіп алды.

Айта кетейік, 2023 жылы Руслан Курбанов жекелей сында елге тарихи қола медаль әкелген болатын.

Оқи отырыңыз: Қазақстан құрамасы семсерлесуден әлем чемпионатының жартылай финалына шықты