Спорттық гимнастика: Қазақстан құрамасы Азия чемпионатында 3 медаль жеңіп алды

Қазақстан жасөспірімдер құрамасы спорттық гимнастикадан Азия чемпионатында үш медаль жеңіп алды, деп хабарлайды Аlmaty.tv тілшісі Оlympic.kz-сілтеме жасап.

8 маусымда, Оңтүстік Кореяның Чечхон қаласында спорттық гимнастикадан Азия чемпионатының соңғы күні өтіп жатыр.

Жарыс аясында жасөспірімдер арасындағы финалдық бәсекелер өтті. Қазақстан құрамасы үш медаль жеңіп алды.

«Қос қазақстандық спортшы ат снарядындағы жаттығуда өнер көрсетті. Роман Хегай төрешілердің шешімімен 13.800 ұпай жинаса, Нұртан Ыдырысов 12.866 ұпайға ие болды», - делінген хабарламада.

Үздік үштікті жапониялық Харутоши Очаи 12.666 ұпаймен түйіндеді.

Сондай-ақ Ыдырысов қоссырықтағы жаттығуларда ең үздік нәтиже көрсетіп, 13.933 ұпайға ие болды.

Айта кетейік, жасөспірімдер құрамасы командалық көпсайыста үшінші орын алды.

Оқи отырыңыз: Спорттық гимнастика: Нариман Құрбанов Азия чемпионы атанды