Меншікті өндіріс
Біз әлеуметтік желілердеміз
Спорттық гимнастика: Нариман Құрбанов Азия чемпионы атанды
Спортшы тұтқалы ат снарядындағы жаттығуда топ жарды
Оңтүстік Кореяның Чечхон қаласында өтіп жатқан спорттық гимнастикадан Азия чемпионатында Қазақстан қоржынына алғашқы алтын медаль түсті, деп хабарлайды Аlmaty.tv ҚР Туризм және спорт министрлігі Спортты дамыту дирекциясының баспасөз қызметіне сілтеме жасап.
«Нариман Құрбанов өзінің оң жамбасына келетін тұтқалы ат снарядындағы жаттығуда топ жарды. Париж Олимпиадасының күміс жүлдегері финалда 14.933 ұпай жинады», - делінген хабарламада.
Күміс жарыс қожайыны Ван Хурдың (14.633 балл), қола Вьетнам өкілі Дан Хуан Тиенге бұйырды (14.233 балл).
Ақтық сында тағы бір отандасымыз Ильяс Азизов 13.933 балл жинап, 5-сатыға табан тіреді.
Еске сала кетейік, Нариман былтыр көктемде Олимпиада қарсаңында Өзбекстан астанасындағы құрлық бәсекесінде осы жаттығуда алтыннан алқа таққан.
Оқи отырыңыз: Милад Карими спорттық гимнастикадан Азия чемпионатында күміс жүлде иеленді