Станислав Черчесов Қазақстан құрамасының атына айтылған сынға жауап берді

Қазақстан құрамасының бас бапкері Станислав Черчесов матч алдындағы баспасөз мәслихатында команда атына айтылған сынға пікір білдірді, деп хабарлайды Аlmaty.tv тілшісі Meta-ratings.kz-ке сілтеме жасап.

«Біз жолдың басында тұрмыз. Әлемдегі ең жақсы гимнасттардың өзі бір бағытта ғана шпагатқа отырады. Ал маған екі бағытқа да жасауға тура келіп жатады... Егер жол ешқайда апармайтын болса, оны көре білер едім. Біз сынға төтеп береміз, талап дұрыс қойылып жатыр», - деді Черчесов.

Еске салайық, 10 қазанда Линц қаласында Қазақстан құрамасы Австриядан 0:4 есебімен жеңілген болатын. 13 қазанда Черчесов шәкірттері Алматыда Словенияға қарсы ойын өткізеді.

Оқи отырыңыз: Қазақстан – Словения матчы: Алматының спорт басқармасы үндеу жасады