Меншікті өндіріс
Біз әлеуметтік желілердеміз
Жібек Құламбаева W100 турнирінің жеңімпазы атанды
Жаңартылған рейтингте спортшы қосымша ұпай еншілеп, төрт сатыға жоғарылайды
Қазақстандық теннисші Жібек Құламбаева Испанияның Канар аралдарындағы Маспаломас қаласында өткен World Tennis W100 санатындағы турнирдің финалында жеңіске жетті, деп хабарлайды Аlmaty.tv.
Қазақстан теннис федерациясынан хабарлағандай, Жібек жарыста чехиялық Анна Шишковамен жұп құрып өнер көрсетті. Қазақстандық-чехиялық дуэт турнирде екінші нөмірмен тіркелді. Финалда олар чехиялық Доминика Салкова мен швециялық Лиса Заарға қарсы ойнады.
Кездесу екі сетке созылып, Құламбаева мен Шишкова 6:3, 7:6 (7:3) есебімен жеңіске жетті. Теннисшілер кортта 1 сағат 54 минут өткізді.
Осылайша, Қазақстан мен Чехия өкілдерінен құралған жұп турнир жеңімпазы атанды. Жаңартылған рейтингте Жібек Құламбаева қосымша ұпай еншілеп, төрт сатыға жоғарылайды.
Оқи отырыңыз: Қазақстандықтар 2026 жылдың тамыз айында қалай демалады