«Алматы - біздің ортақ үйіміз» науқаны: бірінші аптаның қорытындысы жарияланды

Алматыда қала әкімі Ерболат Досаевтың бастамасымен «Алматы – біздің ортақ үйіміз» науқанын іске асыру жалғасуда. «Біздің қала – біздің көшелер» науқанының бірінші кезеңі аясында қалалық қызметтер мен аудан әкімдіктері мегаполистің көше инфрақұрылымын ретке келтіру бойынша үлкен жұмыс жүргізді, деп хабарлайды Almaty.tv.

Бірінші аптада 1250 аялдама павильонын жуу, 59 жерасты және жерүсті жаяу жүргіншілер өткелін тазалау және сырлау, 165 бағдаршам нысанын жуу және сырлау, 1690 жол белгісін сырлау жұмыстары іске асты.

Қалада 5 570-тен астам қоқыс жәшігі, 2 740 орындық, жүздеген жарықтандыру бағанасы, көрсеткіштер боялған және жуылған, ҚТҚ жинауға арналған 350 алаңды жуу және дезинфекциялау жүргізілген, көпір қоршаулары боялды, ақаулы төсеніштері бар учаскелер жөнделді, жаңбыр қабылдағыштар және тағы басқалар қалпына келтірілді.

Бұдан басқа, 17 000 м2 асфальтбетон жабыны бар алаңда, оның ішінде Райымбек, Сәтбаев, Бұқар жырау, Тимирязев, Рысқұлов, Момышұлы, Алтынсарин, Майлин, Талғар трактісі, Гагарин, Жароков, Мұстафин және басқалардың магистральдық көшелерінде жолдарға ағымдағы жөндеу жүргізілді. Бұл ретте жоғарыда аталған барлық жұмыстар науқан бойы жалғасатын болады.

Айта кетерлігі, бүгіннен бастап аула аумақтарын жөндеуге, көгалдандыруға және қала тұрғындарының қатысуымен өтетін түрлі іс-шараларға арналған науқанның екінші кезеңі басталады. «Біздің қала – біздің аула, біздің үй» апталығы аясында (15-21 сәуір) аулалар мен үйлері алдындағы жерлерді көгалдандырғысы келетіндерге көшет материалдары ал, жеке үйлердің қоршауларын сырлағысы келетіндерге бояулар беріледі. Осы кезеңде түрлі шығармашылық және экологиялық іс-шаралар басталады – «Экомарафон» плоггингі, «Таза ойындар» акциялары, «Үздік аула», «Үздік үй алдындағы бау-бақ» конкурстары және тағы басқалар жоспарланған. 20 сәуірде жалпықалалық сенбілік жоспарланған.

«Алматы – біздің ортақ үйіміз» науқаны туралы барлық ақпарат аlmaty.kz сайтында, Алматы әкімдігінің әлеуметтік желілерінде орналасқан. Сондай-ақ веб-сайтқа қала бойынша орналастырылған баннерлер, постерлер, афишаларға арнайы QR-код арқылы кіруге болады.

Әлеуметтік желілердегі науқанның белсенді қатысушыларына арналған хэштегтер: #АлматыНашОбщийДом, #НасМногоГородОдин, #АлматыБіздіңОртақҮйіміз, #БізКөппізҚалажалғыз.