Таза Қазақстан: науқан Іле-Алатау ұлттық саябағының аумағында жүргізілді

Алматыда «Таза Қазақстан» акциясы жалғасын тапты. Науқанға Мемлекеттік күзет қызметі «Батыр» президенттік полкінің сарбаздары қатысты, деп хабарлайды Almaty.tv.

Тазалау жұмыстары Іле-Алатау ұлттық саябағының аумағында жүргізілді. Сенбілікке алдыңғы шептегі офицерлер құрамынан қатардағы жауынгерлерге дейін барлығы 100-ден аса әскери қызметкер атсалысты.

«Бұл бастама  әрине, әр қазақстандықтардың, әрбір адамның табиғатты қорғауға, өз үлесін қосуға мүмкіндік береді. Және де болашақ ұрпақ үшін таза және жайлы орта қалыптастыруға көмектеседі», - деді Мемлекеттік күзет қызметі 0111 әскери бөлімінің әскери қызметкері Евгений Пивень.