Меншікті өндіріс
Біз әлеуметтік желілердеміз
Қостанай-Әулиекөл тасжолы ашылды
Қостанай облысының Әулиекөл ауданындағы орман өртіне байланысты күндіз жабылған «Қостанай-Әулиекөл-Сұрған» трассасы жолдың жақсы көріне бастауына байланысты қайта ашылды, деп хабарлайды Almaty.tv.
«3 қыркүйекте жолдың көріне бастауына байланысты республикалық маңыздағы «Қостанай-Әулиекөл-Сұрған» тасжолының 8-108 км бөлігін (Тобыл қаласы мен Әулиекөл ауылының аралығы) ашу туралы шешім қабылданды», - делінген «Қазавтожол» АҚ Қостанай филиалының Instagram парақшасында.
Осыған дейін Қостанай облысында орман өртінің салдарынан жолдың дұрыс көрінбеуіне байланысты «Қостанай-Әулиекөл-Сұрған» жолында барлық көлік түрі үшін шектеу енгізілгені хабарланған болатын.
Қостанайға Қойбағар, Қарасу, Алтынсарин ауылдары арқылы ғана қатынауға болатын еді.