Алматыда 22 шілдеден бастап №41 автобус бағыты Гүлдала шағынауданына дейін ұзартылады, деп хабарлайды Almaty.tv.
«Енді бұл маршрут Жақұт көшесінен Құлжа тасжолына қарай оңға бұрылып, содан кейін Бұқтырма көшесіне қарай тағы да оңға бұрылады. Айналма жол арқылы Құлжа жолына қайта түсіп, Уәлиханов көшесінің бойымен әл-Фараби көшесіне дейін барады. Сол жерден кері бұрылып, Уәлиханов көшесінің бойымен кері бағытта - Құлжа жолымен - Жақұт көшесімен, әрі қарай схема бойынша жүреді», - делінген қалалық Көлік холдингі хабарламасында.