Алматыда Абай даңғылының ұзартылуы көлік өткізу қабілетін 30% жақсартты

Алматыда Абай даңғылының созылғандығы көліктердің өткізу қабілетін 30 пайызға жақсартты, деп хабарлайды Almaty.tv тілшісі Polisia.kz-ке сілтеме жасап.

Алматы қалалық ПД әкімшілік полиция басқармасының бастығы Нұрлан Аманбек бір аптаға жуық уақыт бұрын қаланың көлік артериясында екі жол қолданысқа енгізілгенін айтты. 

«Бірінші аралық талдау жүргізілді, оның нәтижелері бойынша көліктерді өткізу қабілетін Абай даңғылының созылғаны 30 пайызға, ал Рысқұлов даңғылы мен Емцов көшелерінің қиылысында көлік айрығын салу және іске қосу 25 пайызға жақсарды. Айтпақшы, аталған жол айырығын жүзеге асыру қақтығыс нүктелерінің санын азайтуға және өткізу қабілеттілігін арттыруға мүмкіндік берді, бұл экологиялық жағдайға және жалпы жол қауіпсіздігіне жақсы әсер етті. Ал, Абай даңғылының Момышұлы көшесінен қала шекарасына дейін, батыс бағытта созылғанынан кейін Саин және Момышұлы көшелерінің қиылысындағы бағдаршамдардың жұмыс режимдерін реттеу жұмыстарын жүргіздік. Бұл Шаляпин, Жандосов және Райымбек даңғылы көшелеріндегі көлік жүктемесін айтарлықтай азайтуға мүмкіндік берді», – деді Нұрлан Аманбек. 

Спикердің айтуынша, қазіргі уақытта Алматыда Сейфуллин даңғылы мен Жансүгіров көшесінің қиылысында, Бухтарминская және Құлжа трактының қиылысында жол айрықтарының құрылысы, сондай-ақ Саин көшесін созу, Мөңке би көшесімен қиылысында жол айрығын салу жұмыстары жүргізілуде.