|
20.05.2022 | 18:25
352

Биыл Алматыда 224 көшеге жөндеу жұмыстарын жүргізу жоспарланып отыр

Оның ішіне 19 магистральды жолы да кіреді

Биыл Алматыда 224 көшеге жөндеу жұмыстарын жүргізу жоспарланып отыр Almaty.tv

Биыл Алматыда ұзындығы 221 шақырым болатын 224 көшеге жөндеу жұмыстарын жүргізу жоспарланып отыр, деп хабарлайды Almaty.tv тілшісі.

Оның ішіне 56 шақырым болатын қаланың 19 магистральды жолы да кіреді. Сонымен қатар, Ақжар шағынауданында 48 шақырым жаңа жол салу жоспарланған. Алматы қалалық мобилділік басқармасының басшысы Ғани Мырзаханов 2025 жылға қарай қаланың жолдарын 95%-ға дейін жақсарту қолға алынбақ дейді.

«Әлі аяқталмаған Қайрат, Әлмерек, Алғабас шағынауданындағы жолдар құрылысын ары қарай жалғастырып жатырмыз. Қазір Ақжар шағынауданында жұмыстар басталды. Қазір экспертизадан Шұғыла шағынауданындағы жолдарды жөндеу жобасы шығады деп отырмыз. Ол жерде де осы жылы жұмыстар басталады», – деді қалалық мобилділік басқармасының басшысы Ғани Мырзаханов.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир