|
08.12.2021 | 14:51
3978

Алматыда туризмді дамытуға қанша қаржы инвестицияланды

2021 жылдың екінші тоқсанының қорытындысы бойынша Алматыдағы туристердің жалпы саны 501,4 мыңнан астам адамға жетті

Алматыда туризмді дамытуға қанша қаржы инвестицияланды liter.kz

Алматыда туризмді дамытуға 84 млрд теңге инвестицияланды. Бұл туралы қала әкімі Бақытжан Сағынтаев ҚР Президенті жанындағы Орталық коммуникациялар қызметінде өткен баспасөз конференциясында мәлімдеді. Сонымен қатар, ол ағымдағы жылдың II тоқсанында шетелдік туристер саны 42%-ға артқанын нақтылады, деп хабарлайды Almaty.tv.

Спикердің айтуынша, биыл 628 нөмірлі 3 қонақ үй салынды. Оларға 54,3 млрд теңге инвестиция салынды. Бұдан басқа, тау туризмінің қауіпсіз инфрақұрылымын абаттандыру және құру жүргізілуде.

Алматы тауларындағы Тұйық су шатқалында тікұшақ алаңының құрылысы жүргізілуде, тау бағыттарының шалғай тораптық учаскелерінде спутниктік байланыс пен SOS дабыл түймелері бар 15 тау лашықтары орнатылды.

2 арнайы бақылау-құтқару пункті дайындалды, олар таулы жерлерде 16 адамнан тұратын құтқарушылардың тәулік бойы кезекшілігін қамтамасыз етеді. Сондай-ақ, «Кімасар» шатқалында дабыл түймелерін бақылау жүйесінің пилоттық жобасы іске қосылды.

Бүгінгі таңда таулы жерлерде 1000 шақырымнан астам жаяу жүру бағыттары цифрландырылды, олардың 500 шақырымы абаттандырылды. Олардың барлығы 2GIS және ViewRanger платформаларында қолжетімді. Бұл бағыттарда QR кодтары бар стендтерді қоса алғанда, барлық қажетті ақпараттық деректер орнатылған, онда туристер бағыттардың күрделілігімен, оның ұзақтығымен және жүру уақытымен таныса алады.

Бұдан басқа, Үлкен және Кіші Алматы шатқалдарында ағымдағы жылдың соңына дейін жалпы ұзындығы 179 км болатын тау бағыттарын абаттандыруды аяқтау жоспарлануда, сондай-ақ «Горельник», «Просвещенец», «Қызылсай», «Казачка» және «Лунная» алаңында 6 кемпинг аймағын құру бойынша жұмыс жүргізілуде.

2020 жылы туризм индустриясы коронавирустық пандемиядан зардап шеккен экономика салаларының бірі болды. Дегенмен, ішкі туристер саны 422 мың адамды құрады.

2021 жылдың екінші тоқсанының қорытындысы бойынша Алматыдағы туристердің жалпы саны 501,4 мыңнан астам адамды құрады, оның ішінде шетелдік туристер – 54,2 мың, ішкі туристер - 447,2 мыңнан астам.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир