Әлемдегі ең таза жағажай қай елде

Испания әлемдегі ең таза жағажайлары бар ел деп аталды. Бұл туралы жыл сайын суы жоғары стандарттарға сәйкес келетін, қауіпсіз жүзуге жарамды жағажайлар мен айлақтарды іріктейтін «Көк ту» сыйлығының сайтында жазылды, деп хабарлайды Almaty.tv тілшісі tengritravel.kz-ге сілтеме жасап.

Сыйлықтың ұйымдастырылуына жауап беретін Экологиялық білім беру қоры (FEE) әлемдегі 49 елдің су сапасын бағалап, рейтинг жасады.

Испания тізімде бірінші орынға ие болды – патшалықтың 614 жағажайы ластанбаған. Екінші орынды Грекия (545 таза жағажай), ал үшінші орынды Түркия (519 жағажай) алды. Рейтингке Франция (410 жағажай), Италия (416 жағажай), Португалия (372 жағажай), Дания (168 жағажай) және Нидерланды (56 жағажай) да кірді.