|
05.03.2024 | 07:10
4410

Түркияда жер сілкінді

Ең күшті жерасты дүмпулері Чанаккале шығанағына кіретін аймақта сезілген

Түркияда жер сілкінді elements.envato.com

Түркияның солтүстік батысында күшті жер сілкінісі болды. Жерасты дүмпуі бір мезетте елдің бірнеше провинциясында сезілді, деп хабарлайды Almaty.tv тілшісі ҚазАқпаратқа сілтеме жасап.

Түркияның төтенше жағдайлар мен табиғи апаттардың салдарын жою басқармасының (AFAD) мәліметтері бойынша, Ыстанбұл маңындағы Чанаккале портты қаласында Рихтер бағамы бойынша 4,9 магнитудалы жер сілкінісі болды.

Ведомствоның хабарлауынша, зілзаланың ошағы Чанаккале провинциясындағы Енидже ауданында 10,44 км тереңдікті жатқан.

Ең күшті жерасты дүмпулері Чанаккале шығанағына кіретін аймақта сезілген. Аталған портты қала Мәрмәр және Эгей теңіздерін жалғап жатқан, Дарданелла бұғазы жағалауындағы Кіші Азия жартыаралында орналасқан. Сонымен қатар жер сілкінісі Ыстанбұл, Маниса, Бурса сияқты жақын маңдағы көптеген провинцияда да сезілген.

Түркия Ішкі істер министрі Али Йерликайдың айтуынша, қазіргі таңда жағдай тұрақты. Зілзаладан зардап шеккендер жоқ. Құзырлы орган өкілдері қаладағы ғимараттарды тексеріп жатыр.

Оқи отырыңыз: Алматыда жер сілкінді

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир