|
20.10.2021 | 09:12
1837

Facebook компаниясы атауын өзгертуді жоспарлап отыр

Цукерберг компания атауын өзгерту туралы 28 қазанда айтады деген болжам бар

Facebook компаниясы атауын өзгертуді жоспарлап отыр vladtime.ru

Facebook компаниясы атауын өзгертуді жоспарлап отыр, деп хабарлайды Almaty.tv тілшісі Tengrinews.kz сайтына сілтеме жасап.

Facebook-тің бас директоры Марк Цукерберг 28 қазанда өтетін жыл сайынғы Connect конференциясында сөз сөйлейді. Онда Цукерберг компания атауын өзгерту туралы айтады деген болжам бар.

Reuters мәліметінше, компания бұл арқылы «метағаламды» құруға бағытталғанын көрсеткісі келеді. Цукербергтің айтуынша, ол шығармашылық адамдарға, қала орталығынан жырақта өмір сүріп, жұмыс істегісі келетіндерге, сондай-ақ білім алуға немесе демалыс орындарына қолжетімдігі шектеулі аумақтарда тұратындарға үлкен мүмкіндік береді.

«Метағалам»  – бұл виртуалды ортада адамдар жұмыс істейтін және қарым-қатынас жасай алатын, көбінесе VR технологиясын қолдана алатын онлайн әлем. Марк Цукерберг осы тұжырымдаманың көшбасшыларының бірі болды және Facebook-ті қолданыстағы әлеуметтік медиа платформасынан «метауниверситет компаниясына» айналдыруға ниетті екенін бірнеше рет мәлімдеді.

Компанияның ребрендингі Facebook әлеуметтік желісі басқа да танымал қызметтерге ие компания өнімдерінің бірі деген позицияны көрсетуі керек. Жаңа атау туралы ақпарат әзірге берілген жоқ. 

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Janalyqtar tizbegi

Прямой эфир