Меншікті өндіріс
Біз әлеуметтік желілердеміз
Жазықсыз 39 жыл түрмеде отырған қария ақталып шықты
Ер адам 2017 жылдың қарашасында 70 жасында бостандыққа шыққан
Крейг Коули 1978 жылы әйел мен оның төрт жасар ұлын өлтіргені үшін сотталған.
39 жыл бойы жазықсыз түрмеде отырған америкалық өтемақы ретінде 21 миллион доллар алады. Бұл туралы sputniknews.kz порталы Сими-Уэлли (Калифорния) қаласының сайтына сілтеме жасап хабарлайды.
Крейг Коули 1978 жылы әйел мен оның төрт жасар ұлын өлтіргені үшін сотталған. Іс қайта қарала бастағаннан кейін полиция жаңа ДНҚ үлгілерін тапқан, оны зерттеу барысында сотталушының қылмысқа қатысы жоқ екені дәлелденді.
«Мистер Каулидің басынан өткен оқиғаны ешқандай өтемақы өтей алмасы анық, соған қарамастан бұл істі реттеу тұтас қоғам үшін дұрыс әрекет болмақ», - деп жазылған хабарламада.
Ер адам 2017 жылдың қарашасында 70 жасында бостандыққа шыққан. Билік зардап шегушіге 4,9 миллион доллар төлейді, қалған сома түрлі көздерден, соның ішінде сақтандыру компаниясынан алынады.
2018 жылы Калифорнияның құрбандарға өтемақы төлеу кеңесі Коулиге екі миллион доллар бөлді, бұл – ұйым құрылғалы бері зардап шегушілерге берілген ең қомақты өтемақы.