Меншікті өндіріс
Біз әлеуметтік желілердеміз
Италияда қазақстандықтар мінген яхта өртеніп, суға батып кетті
27.08.2020 14:49
Өртті екі катер және тікұшақ сөндірді
inform.kz
Италияда шағын кеме отқа оранып, кейін суға батып кетті. Ондағы жолаушылардың ішінде қазақстандық туристер де болған, деп хабарлайды ҚазАқпарат Euronews-ке сілтеме жасап.
Lady MM кемесі Капри аралынан Сардиния аралына бара жатқан жолда өртенген. Оның өртеніп, кейін суға батып бара жатқан сәтін жағалау күзеті видеоға түсіріп алған.
Апат кезінде бортта 17 адам болған. Оның сегізі - қазақстандық турист, ал қалған 9-ы — экипаж мүшесі. Олар шағын қайыққа отырып, қауіпсіз жерге шыққан. Сол жерден жағалау күзеті құтқарып алған.
Өртті екі катер және тікұшақ сөндірді. Оның неден шыққаны белгісіз.