Facebook RT жобасының парақшасын жойып жіберді

Facebook Russia Beyond-тың тағам рецепті жарияланатын парақшасын өшіріп тастады. Бұл туралы жоба редакторы Всеволод Пуля хабарлады, деп жазды Sputnik.

"Facebook біздің Russian Kitchen атты парақшамызды жойып жіберді. 40 мың оқырманымыз болатын", — деп жазды ол әлеуметтік желіде.

Оның айтуынша, парақша әкімшілерінің бәріне "сторис" көрсету шектелгені туралы хабарлама келген. Алайда бұл парақшада "сторис" мүлдем жасалмаған.

Бір-екі күннен кейін парақшада әкімшілерінің тұратын елі көрсетілетіні хабарланыпты. Тағы бір күннен соң, жарияланым өшірілген. Кейін парақша мүлдем жойылып кетті.