Кейбір Еуропа елдерінде ауа температурасы Цельсий бойынша 38-41 градусқа дейін жетеді. Билік аптап ыстықта үйден аз шығып, көбірек су ішуді ұсынып жатыр, деп хабарлайды Almaty.tv тілшісі ҚазАқпаратқа сілтеме жасап.
Оңтүстік Еуропа Африкадан келетін антициклон салдарынан қатты ыстықты бастан кешіріп жатыр.
Римде ауа температурасы 40 градус Цельсийден асып кетті. Италияның Денсаулық сақтау министрлігі ел астанасы Флоренция мен Болоньяны қоса алғанда, 17 ірі қалада ауа райына байланысты ескертудің ең жоғары деңгейін жариялады.
Ресми мәлімет бойынша, аптап ыстық төрт адамның өмірін қиды. Елдің Денсаулық сақтау министрлігі азаматтарға мүмкіндігінше үйлерінен шықпай, көбірек су ішуді ұсынады.
Испания билігі тым жоғары температура негізінен ашық жерде, көшеде жұмыс істейтін адамдарға қауіп төндіретіні туралы ескертіп жатыр. Бұл күндері ыстық өту қаупі әлдеқайда жоғары, деп жазылған баяндамада. Елдің бірнеше аймағында аптап ыстыққа байланысты қызғылт сары ескерту жарияланды.
Грекияда күннің ең ыстық уақытында ашық жерде жұмыс істеуге тыйым салынған. Соңғы 10 күнде Афинада ауа температурасы түнде де 30 градустан жоғары болып тұр.
Португалияда 40-қа жуық муниципалитет ыстық ауа райына байланысты өрт шығу қаупінде тұр.
Метеорологтардың мәліметінше, аптап ыстық жексенбіге дейін жалғасады.
Оқи отырыңыз: Алматыда 22-28 шілде аралығында ауа райы қандай болады
