Филиппиннің оңтүстік және шығыс провинциясында толассыз жауған нөсер жауыннан орын алған су тасқыны салдарынан кем дегенде сегіз адам қаза тауып, 19 адам із-түзсіз жоғалды, деп хабарлады Almaty.tv тілшісі ҚазАқпаратқа сілтеме жасап.
Құтқару операциясына жағалаудағы күзет қызметкерлері қатысуда. Табиғи апат Рождество мерекесіне тұспа-тұс келді. Бұл кезде көптеген филиппиндіктер қоғамдық орындарда болып не туыстарының үйінде қонақтап жүрді. Елдің Әлеуметтік істер министрлігінің мәліметінше, 46 мыңға жуық адам эвакуациялық орталықтарды паналаған.
Ғалымдардың пікірінше, Филиппин климаттық өзгерістердің әсерінен көп зардап шегетін елдердің қатарында. 7600-ден астам аралдан тұратын архипелагта жылына орта есеппен 20 тропикалық дауыл болады.
