22 жастағы жігітке ұзатылып жатқан 11 жасар қыз жұртты жылатты

Ирандық журналист Масих Алинежад Твиттерде ересек адам мен кішкентай қыздың үйлену тойының видеосын жариялады.

Роликте ересектер мен балалар жиналған отбасылық мереке көрініс тапқан. Олар қол шапалақтап, ән айтып, би билейді. Бөлменің ортасында күйеу жігіт пен қалыңдық – сақалды жігіт пен кішкентай қыз диванда отырады. Бір кезде қыз көз жасын сүртіп жатқаны көрінеді.  

Журналист бұл видеоны көрген кезде жылап жібергенін жазды.

"Ислам заңы бойынша 13 жастағы қыз тұрмысқа шыға алады, алайда киімін өздігінен таңдай алмайды", - дейді ол.

Көптеген қолданушы мұндай үйлену тойын қылмыс деп атап, Алинежадты қолдады. Бұл туралы Sputnik РИА Новостиге сілтеме жасап хабарлайды.

"Бұл балаларға зорлық-зомбылық жасау, жүрегім ауырып тұр", - деп жазды Nicky Larkin деген қолданушы.

Осы жағдайдан кейін, баланың ата-анасы сотқа шақырылған. Қалыңдық 11 жаста, күйеу 22 жаста екені анықталды. Отбасы жастар әзірге бірге тұрмайтынын, оларға танысуға уақыт берілгенін мәлімдеді.      

Судья некені заңсыз деп тауып, оны бұзды. Жастар қалыңдық 13 жасқа толғаннан кейін соттың рұқсатымен отбасын құра алады.  

This a wedding party for girl who is under 13 years old. I cried when I received this video from
Bahmai County which is a county in Kohgiluyeh and Boyer-Ahmad Province in Iran. Under Islamic laws 13 year old girl can marry but cannot chose her dress code. pic.twitter.com/gqIQZDUcju

— Masih Alinejad