Жұма намазын оқып жатқан 31 адам қаза тапты

19.10.2019 15:10

Ауғанстанда мешітті зымыранмен атқылады. Жарылыстан қаза тапқандар саны отыздан асып кетті, марқұмдардың саны әлі де артуы мүмкін

Sputnik

Ауғанстанның шығысындағы Нангархан провинциясында мешітке жұма намазы кезінде әскери зымыран түсті, деп хабарлайды Sputnik.

Қазіргі уақытта қаза болғандар саны 31 адамға жетті, тағы бірнеше ондаған адам жарақат алған.

Зымыранның жарылуы салдарынан мешіттің шатыры құлағаны белгілі болды.

Трагедияны осы өңірде әрекет ететін ешқандай әскери топ өз мойнына алған жоқ.