Әлемдегі ең биік ғимаратқа жай түсті (видео)

15.04.2019 15:35

828 метрлік ғимараттың шатырұшы найзағай тартқыш ретінде қызмет етеді

Дубайда орналасқан әлемдегі ең биік ғимарат – Бурдж-Халифа мұнарасын найзағай соқты.

Оқиғаның видеосын Дубайдың мұрагер ханзадасы Шейх Хамдан бен Мохаммад бин Рашид Әл Мактум Twitter-дегі аккаунтында жариялады.

Айта кету керек, мұнараның шатырұшы (шпиль) найзағай тартқыш ретінде қызмет етеді.  

Бурдж-Халифа – Дубайда салынған 828 метрлік зәулім сарай, ол әлемдегі ең биік ғимарат саналады. Нысан Біріккен Араб Әмірлігінде 2010 жылдың 4 қаңтарында салтанатты түрде ашылды.

Бұдан бұрын желіде Еуропадағы ең биік ғимараттардың бірі – Санкт-Петербордағы Лахта орталығына найзағай түскені жайлы видео жарияланған еді. Ғимараттың биіктігі 460 метрден асады.






Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
БҒМ Бақылау комитетінің төрағасы тағайындалды