Норвегияда ер адам садақпен 5 адамды атып өлтірді

Норвегияның Кунгсберг қаласында белгісіз ер адам садақпен бірнеше адамды атып тастады, деп хабарлайды Almaty.tv тілшісі lenta.ru сілтеме жасап.  

«Шабуыл салдарынан 5 адам қаза тауып, бірнеше адам жараланды», – деп мәлім етті полиция өкілі Эйвинд Аас.

Оның айтуынша, шабуыл жасаған адам ұсталды. Ол жалғыз әрекет еткен.

Норвегиядағы NRK телекомпаниясының хабарлауынша, полиция қызметкерлеріне бірнеше көшені жабуға тура келген.

Келіп түскен ақпаратқа сәйкес ер адам Coop Extra супермаркетінде оқ атқан. Әзірге күдіктінің бұлай істеуіне не себеп болғаны белгісіз.