Қытайдағы қонақүй маңындағы жарылыстың себебі анықталды

AP Photo / Ng Han Guan

Бүгін таңертең Доумэнь ауданындағы қонақүйдің маңында газ жарылысы болды

ҚХР Гуандун провинциясындағы Чжухай қонақүйінің маңындағы төтенше жағдайға газдың жарылуы себеп болған, деп хабарлайды Tengrinews.kz РИА Новостиге сілтеме жасап.

Қытай Орталық телеарнасының мәліметінше, газ жарылған.

«Бүгін таңертең Доумэнь ауданындағы қонақүйдің маңында газ жарылысы болды. Округтегі коммерциялық және тұрғын үй ғимараттары бүлінді», – деп хабарлады телеарна.

Еске салайық, Бейжің уақыты бойынша таңғы сағат 9-да жергілікті өрт сөндіру қызметіне Чжухай қаласының Доумэнь ауданындағы қонақүйдің маңындағы жарылыс туралы хабарлама келіп түскен.