|
22.06.2023 | 11:25
1758

Парижде жарылыс салдарынан зардап шеккендер саны 37 адамға жетті

Төрт адам ауыр халде жатыр

Парижде жарылыс салдарынан зардап шеккендер саны 37 адамға жетті REUTERS/Gonzalo Fuentes

Париж қаласының орталығында болған жарылыс салдарынан кем дегенде 37 адам зардап шекті. Тағы төрт адам ауыр халде жатыр, деп хабарлайды Almaty.tv тілшісі ҚазАқпаратқа сілтеме жасап.

Агенттіктің хабарлауынша, үйінділер астында тағы екі адам қалуы мүмкін.

Оқиға Франция астанасының бесінші ауданында, Люксембург саябағы мен Пантеонға жақын жерде орналасқан Париждегі Америка академиясының ғимаратында болды.

Алдын ала болжам бойынша, ғимарат ішінде газ жарылып, қасбеті жолға құлады. Жақын маңдағы үйлердің тұрғындары эвакуацияланды.

Оқиға орнына екі жүзден астам өрт сөндіруші, құтқару қызметтері, сондай-ақ Париж мэрі Анн Идальго келді.

Прокуратура жарылыс себебінің екі нұсқасын тергеу үстінде – «қауіпсіздік ережелерін бұзу» және «адамдардың салақтығы». Бұл туралы брифингте Париж прокуроры Лор Бекюо мәлімдеді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир