АҚШ-та торнадодан 18 адам қаза тапты

АҚШ-та оңтүстік пен орталық батысына келген торнадодан 18 адам қаза тапты, үйлер мен сауда орталықтары зақымдалды, деп хабарлайды Almaty.tv тілшісі ҚазАқпаратқа сілтеме жасап.

Шұғыл әрекет ету қызметінің қызметкері қаза тапқандарды есептеп, торнадоның зақымын қарады. Алабама, Иллинойс, Индиана және Арканзаста адамдар қаза тапты. Көптеген аудандарда жарық жоқ, жолды үйінділер басып қалған.

Иллинойс штаты Белвидерде торнадо кезінде рок-концерт өтуі тиіс «Аполлон» театрының шатырын ұшырып әкетті. Бір адам қаза тауып, 28-і жарақат алды, оның бесеуі - ауыр халде жатыр.

poweroutage.us сайтының мәліметінше, Арканзаста 90 мың тұтынушы жарықсыз отыр.