Қытайда крематорийлер толып кетті: спутниктік суреттер пайда болды

Қытайда пандемияға қарсы қатаң шектеулер алынғаннан кейін Covid-19-бен бұрын-соңды болмаған күрес жалғасып жатыр. Бірнеше қалада түсірілген спутниктік суреттерде крематорийлер мен жерлеу бюроларында мәйіттердің көп екенін аңғаруға болады, деп хабарлайды Almaty.tv тілшісі Azattyq Ruhy агенттігіне сілтеме жасап.

Желтоқсанның аяғы мен қаңтардың басында Maxar түсірген және CNN -дегі суреттер Бейжіңнің шетіндегі жерлеу бюросы көрсетілген. Ол жерде құдды бір жаңа автотұрақ салынғандай.  Сонымен қатар Куньмин, Нанкин, Чэнду, Таншан және Хучжоудағы жерлеу бюросында күтіп тұрған автомобильдер кезегінің суреті бар.

CNN Бейжіңде қайтыс болғандарды сақтау үшін пайдаланылатын қосымша уақытша нысанның ашылғанын айтты. Өйткені мәйіттер жатқан сары қапшықты қызметкерлер өңдеп үлгермей жатыр.  Ал марқұмдардың жақындары мәйіттерді жерлеу немесе өртеу үшін бірнеше күн күтетінін айтады.

Десе де, шектеулерді жеңілдеткеннен кейін Қытайда Covid-19-дан қайтыс болғандардың ресми саны өте төмен. 7 желтоқсаннан бастап барлығы 37 адам вирустан қайтыс болған.

«Біз Қытайдан ауруханаға жатқызу және өлім туралы неғұрлым жедел, тұрақты және сенімді деректерді, сондай-ақ нақты уақыт режимінде вирустардың толық реттілігін қамтамасыз етуді сұраймыз», – деді ДДҰ бас директоры Тедрос Адханом Гебрейюс сәрсенбіде Женевада өткен брифингте.

ДДСҰ Қытайдағы өмір сүру қаупіне алаңдайтынын жеткізді. Ұйым вакцинацияның, соның ішінде күшейткіш дозалардың маңыздылығын растады.