Ерекше құбылыс: Қырғызстанда аспаннан белгісіз зат құлады

Қырғызстан тұрғындары көктен белгісіз заттың құлауының куәсі болды деп хабарлайды Almaty.tv тілшісі Nur.kz порталына сілтеме жасап.

Жарық заттың жерге құлап бара жатқан сәтін қырғызстандықтар видеоға түсіріп үлгерген. Олар ерекше құбылыстың видеосын әлеуметтік желіде жарыса жария етуде. Бұл метеорит болуы мүмкін деген болжам жасалуда. Лапылдап жанып келе жатқан зат жерге қарай құлаған сәтінде сөніп қалған. 

Бұл құбылысты Бішкек тұрғындары мен Шу облысының тұрғындары көре алған. Әсіресе Петровка ауылы құлаған затты анық көре алыпты.