Меншікті өндіріс
Біз әлеуметтік желілердеміз
Атасы жаңа туған немересіне арақ ішкізген: отбасының қуанышы қайғыға ұласты
18.07.2019 16:59
Сәбидің бір айға толуына орай бас қосуда орны толмас қайғылы оқиға болды
Қытайдың Пекин қаласында ақсақал жаңа туған немересіне ішімдік беремін деп өлтіріп алды, деп хабарлайды Sputnik.
"Отбасының туған-туыстары мен достары сәбидің бір айға толуын атап өту үшін бас қосқан екен. Нәрестенің атасы тост айтқаннан кейін қонақтардың бірі: «Немерең ішпесе, қалай ішесің?" – деп қалжыңдайды.
Сол кезде ақсақал сәбиге өз бокалынан ішімдік ішкізген. Анасы жетіп барып, бөбекті қолына алады. Арада жарты сағат өткенде сәбидің тынысы тарылып, дем алмай қалыпты.
Баланы шұғыл ауруханаға жеткізгенімен, дәрігерлер өміріне араша түсе алмады. Сәби өлімі туралы қорытындыда нәрестенің ішімдіктен улану салдарынан шетінегені жазылған.