«Көліктер аударылып, ағаштар тамырымен жұлынған»: АҚШ-тың Флорида штатында табиғи апат орын алды

Фото: depositphotos.com

Табиғи апат салдарынан жергілікті тұрғындардың бір бөлігі жарықсыз қалды

АҚШ-тың Флорида штатында күшті торнадо болып, Палм-Бич-Гарденс қаласында көптеген ғимараттар мен көшелерді қиратуға әкеліп соқты, деп хабарлайды Almaty.tv тілшісі Stan.kz-ке сілтеме жасап.

Торнадо тудырған қатты дауыл сенбі күні Флориданың оңтүстігін басып өткен. Қатты торнадо көліктерді аударып, ағаштарды тамырымен жұлып, ғимараттарды қиратты. Табиғи апат салдарынан жергілікті тұрғындардың бір бөлігі жарықсыз қалды.

Жойқын торнадо салдарынан зардап шеккендер жоқ. Қазір жағалаудағы қалада жойқын желдің салдарын жою жұмысы жүргізілуде.