Меншікті өндіріс
Біз әлеуметтік желілердеміз
Аспаннан түскен мәйіт Лондон тұрғынын жазым ете жаздады
02.07.2019 18:05
1zoom.ru
Лондонның Клэпхэм ауданында өз ауласында күн шуағына арқасын қыздырып жатқан адамның дәл жанына аспаннан адамның денесі құлады, деп хабарлайды ВВС.
Оқыс жағдайдан жаға ұстаған тұрғындар шұғыл полиция шақырады. Анықталғандай, мәйіт Хитроу әуежайына қонардың алдында Kenya Airways әуе компаниясы ұшағының шассиінен құлаған.
Скотленд-Ярд өкілдерінің жорамалынша, мерт болған адам билетсіз ұшқан көрінеді. Жолаушы өзімен бірге ас-суын да алып алған екен. Олар кейінірек ер адам жасырынып отырған жерден - шасси бөлігінен табылды.
Айта кетейік, ұшақ Найробиден Лондонға дейін 9 сағаттай ұшқан.
Жазым болған адамның тұлғасы әзірге анықталған жоқ.