Меншікті өндіріс
Біз әлеуметтік желілердеміз
Ташкент зообағында келіншек кішкентай қызын аюдың қасына лақтырып жіберген
Аю қызға тиіскен жоқ, бала бес метрге жуық биіктіктен құлағандықтан ғана зардап шекті
Ташкент зообағында әйел кішкентай қызын аюдың вольеріне лақтырып жіберген. Жыртқыш балаға тиіскен жоқ. Қыз бес метр биіктіктен құлағандықтан ғана зардап шекті, деп хабарлайды Almaty.tv тілшісі Sputnik сайтына сілтеме жасап.
"28 қаңтарда неге екені белгісіз, жас әйел жұрттың көз алдында кішкентай қызын аю қамалған вольерге лақтырып жіберді", – делінген зообақтың Telegram-каналында.
Баспасөз қызметінің ақпаратынша, Зузу есімді кавказдық қоңыр аю металл қоршаудың ар жағынан әйелдің іс-қимылын бақылап тұрған. Содан кейін ақырын орға түсіп, қызға жақындап, иіскеп, артынан кетіп қалған.
"Зообақ қызметкерлері аюды вольердің ішкі жағына қарай алдап алып кетті. Қыз бес метрге жуық биіктіктен құлағандықтан ғана зардап шекті", – деп түсіндірді зообақтағылар.
Аю Ташкентке 2017 жылы Баку зообағынан жеткізілген. Өзінің қылығымен, жұртқа ашықтығымен бүкіл ұжымның сүйікті жыртқышына айналды.
"Қазіргі таңда құқық қорғау органдары оқиғаның себептерін тергеп жатыр. Бала дәрігерлердің бақылауында. Ташкент зообағы медициналық көмекке жұмсалатын шығынды өз мойнына алады және қыздың тезірек сауығып кетуін тілейді", – деді баспасөз қызметіндегілер.