|
Әлемде
25.04.2019 | 13:36

Шри-Ланканың батысында тағы бір жарылыс болды

Қаза тапқандар мен зардап шеккендер туралы әзірге мәлімет жоқ

Шри-Ланканың батысында тағы бір жарылыс болды РИА Новости

Бейсенбіде Шри-Ланка астанасы Коломбодан 40 шақырым жерде орналасқан Пугода ауданында жарылыс болды, деп хабарлайды astanatv.kz.

Қаза тапқандар мен зардап шеккендер туралы әзірге мәлімет жоқ. Құқық қорғау органдары болған жағдайға қатысты тергеу жүргізіп жатыр. Бас-аяғы осы бір аптаның ішінде Шри-Ланкада тоғыз жарылыс болды.

Соңғы мәліметтер бойынша, Шри-Ланкада болған жарылыстан қаза тапқандардың саны 359 адамға жеткен. Бұл жарылыстарды «Ислам мемлекеті» террористік тобы өз мойынына алды, алайда олар аралдағы жарылыстарға қатысы бар бірде-бір дәлел келтірмеген.  

Шамамен 100-ден аса адам күдікті ретінде ұсталды. Бұл жарылыстарға 9 жанкешті лаңкес қатысқан, оның сегізінің кім екендері анықталған.  

Еске салайық, 21 сәуірде Шри-Ланкада екі жарылыс болған еді. Кейінірек Қазақстан Республикасының Сыртқы істер министрлігі жарылыс салдарынан қаза тапқандар арасында қазақстандықтар жоқ екенін мәлімдеген болатын.