Меншікті өндіріс
Біз әлеуметтік желілердеміз
Салынып жатқан ғимарат опырылып түсті: адамдар үйінді астында қалды (ВИДЕО)
Құтқарушылар оқиға орнына аттанды, төтенше жағдайдың мән-жайы анықталып жатыр
Новосібірде салынып жатқан ғимараттың қабырғасы опырылып құлады. Адамдар үйінді астында қалды, деп хабарлайды Sputnik РИА Новости Ресейдің төтенше жағдайлар министрлігі баспасөз қызметіне сілтеме жасап.
Зардап шеккендердің бірі үйінді астынан шығарылып, ауруханаға жеткізілді деп мәлімдеді ведомстводан.
Төтенше жағдай кезінде ғимаратта 12 жұмысшы болған.
Ударная көшесіндегі нысанның опырылып түскені туралы хабар жергілікті уақытпен 12:20-да (Нұр-Сұлтан уақытымен 11.20) келіп түскен.
«Оқиға орнына автоцистерналар, муниципалды апатты-құтқару қызметінің бөлімшелері аттанды», делінген хабарламада.
Ведомствоның мәліметінше, 70 адам мен 20 техника іздеу-құтқару жұмыстарын жүргізіп жатыр. Төтенше жағдайдың мән-жайы анықталуда.