Катамаранда отырған туристің аяғын акула жұлып алды

Қайғылы оқиға Канар аралдарының суларында серуендеу қайығында болған. Германиядан келген 30 жастағы туристке акула шабуыл жасап, аяғын жұлып алған, деп хабарлайды Almaty.tv тілшісі Tengritravel.kz-ке сілтеме жасап.

DailyMail мәліметінше, әйел эвакуация процесінде шұғыл көмек көрсетілгеніне қарамастан, Гран-Канария аралындағы ауруханаға ұшып шыққан Испания әуе күштерінің тікұшағында қаза болды.

Оқиға халықаралық суларда, Гран-Канария әуежайынан оңтүстік-батысқа қарай 450 шақырым жерде және Марокконың бақылауындағы Батыс Сахараның даулы аумағында Дахла қаласынан шығысқа қарай 180 шақырым жерде болған. Аты-жөні әлі жарияланбаған әйел 14 қыркүйекте Испания аралынан шыққан катамаран экипажының мүшесі болып шықты.

Шабуылдан кейін катамаран 15:55-те апат туралы сигнал берген. Испанияның жағалау қызметтері осы аймақтағы басқа кемелерге хабарлау арқылы жедел әрекет етті. Жақын маңдағы кемелердің бірі жараланған әйелге дәрі-дәрмек беру үшін Dalliance Chichester жақындаған. Кейінірек ол ауруханаға шұғыл эвакуациялау үшін кешкі сағат 20:00 шамасында Испания әскери-әуе күштерінің тікұшағына көтерілді.

Құтқарушылар мен медициналық қызметкерлердің күш-жігеріне қарамастан, әйел тікұшақта жүрек талмасынан қайтыс болды. Оның өлімі дүйсенбіде кешке Гран-Канарияның астанасы Лас-Пальмастағы доктор Негрин ауруханасына келгеннен кейін ресми түрде хабарланды.

Оқи отырыңыз: Павлодар облысында колледж студенті мұғалімді пышақтаған деген күдікке ілінді