Әлемде коронавирус індетінің таралуы қайта күшейіп келеді

Әлемде коронавирус індетінің таралуы қайта күшейіп келеді. Бұл туралы Дүниежүзілік денсаулық сақтау ұйымының басшысы Тедрос Гебрейесус мәлімдеді, деп хабарлайды Almaty.tv.

Бүгінде қауіпті індетті 7 миллионнан астам адам жұқтырған. 400 мыңға жуық өлім тіркелді. Еуропадағы ахуал жақсарғанымен, әлем бойынша жағдай мүшкіл. Өткен тәуліктің өзінде 136 мыңнан астам жағдай анықталыпты. Дүниежүзілік денсаулық сақтау ұйымы басшысының айтуынша, бұл көрсеткіштің 75 пайызы 10 елге  тиесілі. Қара тізімді Америка құрлығы мен Оңтүстік Азия елдері бастап тұр. Одан бөлек Шығыс Еуропа мен Орталық Азияның кейбір бөліктерінде аты жаман ауруды жұқтырғандар саны  көбейіп барады.