Әлемде коронавирус инфекциясын 5 млн 200 мыңнан астам адам жұқтырды, деп хабарлайды Almaty.tv.
350 мыңға жуығы кеселден көз жұмған. Дүниежүзілік денсаулық сақтау ұйымының мәліметінше, бір тәулікте індеттің 109 мың 885 жаңа дерегі тіркелген. Жұқтырғандардың басым бөлігі Солтүстік және Оңтүстік Америкада. АҚШ науқастар саны бойынша көш басында тұр. Мұнда 1 жарым миллионнан астам адам ауырып қалған. Ал екінші орынға ауысқан Бразилия елінде 350 мыңнан астам адам дертті жұқтырған. Ал, 340 мың адамнан індет анықталған Ресей үшінші орында.
