|
04.12.2022 | 16:21
2566

Иран билігі әдеп полициясы жойылғанын жариялады

Билік бұл шешімге келмес бұрын республикада екі жарым айға созылған жаппай наразылық пен тәртіпсіздіктер болған еді

Иран билігі әдеп полициясы жойылғанын жариялады optimism.kz

Иран билігі әдеп полициясы жойылғанын жариялады, деп хабарлайды Almaty.tv тілшісі Tengrinews.kz-ке сілтеме жасап.

Билік бұл шешімге келмес бұрын республикада екі жарым айға созылған жаппай наразылық пен тәртіпсіздіктер болған еді.


Басылым мәліметінше, Иран билігі Махса Амини әйелдердің қатаң киім үлгісін бұзып, қамауға алынған оқиғасынан кейін туындаған екі айдан аса уақытқа созылған наразылықтардан соң әдеп полициясы бөлімшелерін таратқан.

Бас прокурор Мұхаммед Джафар Монтазери әдеп полициясының сот жүйесіне ешқандай қатысы жоғын және оның жойылғанын мәлімдеген.

Еске салайық, Ирандағы жалпыұлттық наразылық хиджабты дұрыс кимегені үшін әдеп полициясы тұтқындаған соң қайтыс болған 22 жастағы күрд қызы Махса Аминаның өліміне байланысты басталған еді.

Ал Иран президенті Ибрахим Раиси АҚШ пен президент Джо Байденді елдегі ретсіздікті қоздырды деп айыптаған болатын.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир