Қырғызстанда балабақша қызметкері көлігімен алты баланы қағып кеткен. Ол көлікті көлеңкелі аймаққа тұраққа қойғысы келген, деп хабарлайды Almaty.tv тілшісі Stan.kz-ке сілтеме жасап.
Қайғылы оқиға Қырғызстанның оңтүстігіндегі Баткен облысында болды.
"Шумқар" балабақшасының қызметкері 43 жастағы А.А. Лейлек ауданы, Жаны-Жер ауылында жекеменшік Hyundai Getz көлігін көлеңкеге қою үшін балабақша ауласына айдап кіріп, аулада ойнап жүрген алты баланы қағып кеткен", – деді баспасөз қызметінің өкілі.
Жол-көлік оқиғасынан алты баланың үшеуі зардап шекті. Олар 1,5 жарымнан бес жасқа дейінгі бүлдіршіндер. Тергеу барысында әйелдің жүргізуші куәлігі болмағаны белгілі болды.
Бұл факт бойынша қылмыстық іс қозғалды. Әйел жеті жылға дейін бас бостандығынан айырылуы мүмкін.
