Меншікті өндіріс
Біз әлеуметтік желілердеміз
Қытайдың солтүстігінде су тасқыны салдарынан 120 мың адам эвакуацияланды
10.10.2021 22:06
Тасқын ұзаққа созылған нөсер жаңбыр салдарынан болды
ҚазАқпарат
Қытайдың солтүстігіндегі Шаньси провинциясында ұзаққа созылған нөсер жаңбыр салдарынан су тасқыны болды. 120 мыңнан астам адам эвакуацияланды, деп хабарлайды Almaty.tv тілшісі ҚазАқпаратқа сілтеме жасап.
Провинцияның төтенше жағдайлар басқармасының деректеріне қарағанда, су тасқынынан 76 округтен, қалалар мен аудандардан 1,76 миллион адам зардап шеккен. Ведомствоның мәліметінше, 190 мың гектарға жуық егістікке зақым келген, 17 мыңнан астам ғимарат құлаған. Әр түрлі деңгейдегі төтенше жағдайлар органдары зардап шеккен тұрғындарды орналастыру үшін 4000 шатыр, 3200 жиналмалы төсек, жастық киім мен көрпе және басқа да қажетті заттарды бөлді.