Тойға барамыз деп автобусқа мінген 22 адам көз жұмды

Depositphotos.com

Қалыңдық аман қалған, ол бірнеше жарақат алып, ауруханада жатқаны айтылады

Пәкістанның солтүстігінде тойға бара жатқан қонақтар мінген автобус апатқа ұшырап, 22 адам қаза тапты, деп хабарлайды Almaty.tv тілшісі Massaget.kz-ке сілтеме жасап.

Бұл туралы Dawn телеарнасы құтқару қызметінің өкілдеріне сілтеме жасап хабарлады.

"Сейсенбіде Гилгит-Балтистанның Диамер ауданында 22 адам мінген автобус өзенге құлап, суға батып кетті. Көлік той кортежінің бір бөлігі болған", - делінген хабарламада.

Қалыңдық аман қалған, ол бірнеше жарақат алып, ауруханада жатқаны айтылады. Пәкістан президенті Асиф Али Зардари қаза тапқандардың отбасына көңіл айтты.

Оқи отырыңыз: Қытайда ер адам көлікпен көпшілікті қағып кетті