Қазақстанда коронавирус вакцинасының 2-компонентін 5 млн адам салдырды

Елімізде коронавируспен вакцинасын салдыруға қатысты 23 тамыздағы мәлімет жарияланды, деп хабарлайды Almaty.tv тілшісі Денсаулық сақтау министрлігіне сілтеме жасап.

Денсаулық сақтау министрлігінің мәліметі бойынша Қазақстанда I компонентпен 6 369 263 адам вакцина салдырды, II компонентпен 5 013 064 адам алды.

Вакцина салдырғандар саны бойынша Алматы қаласы алдыңғы орында, қалада 840 844 тұрғын вакцинаның бірінші компонентін, 680 997 адам екінші компонентін салдырған.