Алматы дәрігері ревакцинацияның маңыздылығы туралы айтты

Алматы қаласы №15 емханасының педиатр-дәрігері Мөлдір Әкімжан Өңірлік коммуникациялар қызметінің алаңында сөз сөйлеп, уақыт өте келе антиденелердің деңгейі төмендейтінін, сондықтан КВИ-ге қарсы екпені қайталау керек екенін еске салды, деп хабарлайды Almaty.tv.

М. Әкімжан ревакцинация мәселелеріндегі халықаралық тәжірибе туралы айтып берді.

«Израиль – халық екпе салып, эпидемиологиялық ахуалды тұрақтандырған алғашқы елдердің бірі. Алайда, жазда жаңа «дельта» нұсқасының пайда болуымен адамдар қайтадан жұқтыра бастады. Содан кейін ғалымдар мен дәрігерлер вакцинаның екінші дозасынан кейін 6 айдан кейін иммунитет анағұрлым жұқпалы «дельта» нұсқасының пайда болуы аясында айтарлықтай төмендегенін анықтады. Нәтижесінде Израиль ревакцинация туралы шешім қабылдады», – деді педиатр.

 Ол ревакцинация аясында ауқымды зерттеу деректерімен бөлісті.

«Зерттеуге 60 жастан асқан 1 миллион 144 мыңнан астам тұрғын қатысты. Олардың барлығы вакцинаның екі компонентін 2021 жылдың 1 наурызына дейін алды. Кейін олардың барлығы қайта вакциналанды. Үшінші екпе КВИ қайта жұқтыру ықтималдығын 11 есеге, ал ауыр ағымды 15 есеге төмендеткені анықталды», – деді Мөлдір Әкімжан.

Дәрігер барлық алматылықтарға КВИ вакцинасының екі компонентін де алуға, ал екпені толық алғандарға ревакцинациядан уақытылы өтуге кеңес берді.